【大阪美食推薦】大阪心斎橋魚心壽司 抵食大件超新鮮
有人話去大阪唔好食壽司，因為質素麻麻，但小編覺得去日本唔食下最愛嘅壽司，點對得住係香港都要走去食嘅自己!
其實大阪心斎橋一帶都有好幾間有名嘅壽司店，例如以平出名嘅大起水產同元祖回轉壽司店元祿，但因為出名一到食飯時候就超多人排隊。所以今次推薦半隱藏版壽司店 --- 魚心壽司，人氣相對其他店低，排隊人流不算多，加上份量足及價錢不貴，是在心斎橋搵食的不錯選擇!
美食推薦: 【2018大阪美食】十大好吃又平價的居酒屋
魚心壽司賣點係大大份嘅握壽司，唔係飯多而係魚生份量超多!叫佢半隱藏版，係因為有唔少台灣Blogger都做過介紹，但相對其他名壽司店，佢係遊客心中唔算好有名氣，換句話說咪就係唔洗排咁耐隊囉!今次去大阪小編食左兩次，食飯時候去都只係等左唔洗10分鐘就有得食啦!
魚心壽司店面唔算大，入去左手邊係吧台，師傅會係入面即製手握壽司，右邊就係卡位。入面附有中英文餐牌連圖，唔驚唔識叫。
多到漏出黎嘅三文魚子
有兩層嘅厚切吞拿魚
肥美嘅大大條鰻魚
全部都大大件!
重點黎啦!成板上嘅海膽壽司! 極鮮甜仲要平黑門多多聲，只要1400日圓，可惜紫菜唔夠脆，但食海膽都已值回票價。
魚心壽司係可以單叫一件，將餐牌價錢除2就可以，即係一件鰻魚壽司只需要500日圓，想試多幾款可以單叫，但記緊要同服務員講清楚，唔係佢會直接幫你落一客兩件。
因為食完依然念念不忘魚心壽司，離開大阪前又去食多次!午餐比晚餐多左壽司定食可選，依然係極抵食
最平700日圓有交易，但壽司份量冇咁大，不過勝在抵食，仲可以試多幾款壽司。
魚心壽司心齋橋店就係千日前商店街內法善寺橫丁對面的小巷，一轉入去就見到招牌，轉出大路就見到一蘭同有名嘅大阪燒店美津の大阪燒，算十分易搵。
番黎搵資料先發現魚心壽司有幾間分店，京都同神戶都有，但見最多人推薦就係心斎橋店，附上官網大家可以上去睇睇: http://www.ajibil.com/uoshin/
魚心壽司
地址: 大阪市中央区千日前1-7-9
營業時間: 12:00 ~ 24:00
延伸閱讀
$100左右就食到|大阪難波平價燒肉放題
(圖片取自網絡)
相關內容更多>
日本自由行攻略行程之旅，嚟到位於喺大阪府大阪市此花區嘅日本環球影城，喺環球影城在亞洲建立的第一個主題公園。影城喺2001年正式開幕，佔地39公頃，入場總人數喺繼東京迪士尼後第二多。日本環球影城目前分有八個部分：好萊塢，紐約，舊金山，侏羅紀公園，環礁湖，水世界，親善村和環球奇境。到了今年七月，哈利波特主題區將會開放。
編輯精選更多>
台灣自由行攻略行程，來到台北市的九份基山街，第一印象絕對是基山街入口旁的7-11。轉入基山街後，你會發現自己的口由你進入街行後就已經不是屬於自己，它本能地＂口不停蹄＂地吃著整條街上林立滿目的美食。有深坑烤臭豆腐、九份傳統魚丸、綜合魚丸湯、紅糟素肉圓、花生卷、油蔥粿、芋仔粿等等。基山街絕對是追求keep fit體態的人，特別是女士門的一大挑戰。
台北自由行攻略行程，來到中正區著名地標-中正紀念堂。中正紀念堂是台北最值得去的景點之一，是為了紀念蔣介石而建成的。門票免費，加上出色的建築風格，定必令你眼界大開。中正紀念堂以中國庭園造景為主要設計思路，藍白的色調代表了自由、平等。除了參觀其各式各樣的建築風格，它另一個著名的表演是每小時的換班儀式，表演項目是參觀中正紀念的重點之一，也是中正紀念堂背後精神的一部份，去到一定要觀看完換班儀式才算是真真正正地參觀完。