【日本自由行】日本京都市西京區-嵐山

日本自由行攻略行程，上到位於京都府京都市嘅嵐山 ，今次我哋會見識到各式各樣音樂盒嘅音樂盒博物館同親近大自然嘅猴子樂園岩田山。

終於嚟到音樂博物館門前，從建築外觀上好難睇出喺一座博物館...

直到睇清門牌上“音樂盒博物館”先肯定冇行錯。

由於館內禁止影相，所以俾唔到館內同展品相片大家欣賞

呢個就喺世界上第一個嘅音樂盒。

音樂博物館繼承咗世界音樂盒收藏家Guido Reuge 嘅寶貴收藏，傳遞音樂盒優點同文化嘅博物館。展示同演奏嘅老音樂盒經過咗100年以上嘅時間，可以話喺歷史文化遺產。而世界第一個音樂盒同Vichy作嘅「寫信的小丑」等，都展示喺呢個博物館入面。無論你鐘唔鐘意音樂，嚟到音樂博物館入面，話唔定離開嘅時候都會帶走一啲得着。

去完音樂博物館之後，就馬上出發到猴子樂園岩田山！

岩田山上有多達150隻野生日本猴，棲息喺山上。除咗可以同得意嘅猴子玩樂之外，而且仲有瀡滑梯等嘅玩樂設施，好適合親子遊。