[德國景點] Dachau達豪集中營 關於那些永不磨滅的黑暗歲月
從慕尼黑出發大約一個鐘左右車程就去到近郊的達豪集中營遺址，係納粹德國所建立的第一個集中營，後來其他集中營都參照達豪集中營的設計而建設。對集中營的印象一直停留在西史課本的簡單描述同電影<<一個快樂的傳說>>，今次去到遺址深入了解當時的黑暗歷史。
達豪集中營共關押過21萬人，其中3.2萬人死亡。當年好多人一入左呢個門口，就永遠都出唔返去。
一入到去係一大片空地，當時人集隊、點人數同受刑的地方。被收押人數眾多，所以每次點人數都點好耐好耐，有時烈日當空；有時地寒地凍，對當時既人黎講集隊都係一種折磨。
門口右邊一排以前是管理囚犯的地方，而家已經改建成博物館，詳細講述集中營的歷史。入面有好多好多資料，文字、地圖、相片、當時生活物品、刑具，將當時集中營的悲慘生活完完全全展示出黎。每日不停勞動，食又食唔飽，隨時捱打受刑，最後送去毒氣室，或者做人體實驗。
呢度展示左佢地入營時身上帶的物品，好多都係家庭照......好多人入左黎就永遠同家人分開，見到呢d勁sad。
博物館對面一排以前係牢房，就係囚犯住的地方。而家都保留左當時的格局，佢地就係訓呢度，一格要訓幾個人，好擠迫。
呢個係佢地洗面清潔的地方同公用廁所，環境好惡劣，都毫無尊嚴可言。
集中營四周被電網同壕溝包圍，瞭望台上有警衛駐守，根本冇可能從呢個地獄逃脫，好絕望。
呢大個部份以前都係牢房，而家拆曬。集中營仲有展示毒氣室，但我不想影啦，感覺太可怕了。
整個集中營的氣氛可以話非常詭異，表面上好寧靜平和，又好空曠，我去個日仲要天氣好好，但當你睇到入面的故事，知道同一個位置曾經發生過好多好可怕的事，同當下眼見和諧環境有極大反差，心情會好沈重。佢唔係個種好靚好新的博物館，當你企係牢房入面，見到剝落的牆壁，殘舊的環境，都是活生生的歷史痕跡，真係會有好大壓迫感。
站在世界和平呢種大議題前，我地好渺小亦好無能為力，好似恐怖襲擊我地除了恐懼同祝福，似乎冇咩可以做到。但至少我地要去了解多點，同時關愛社會上的人多點，將愛與和平的訊息傳揚開去。一個人點解會有想傷害他人的心，大概係因為佢本身都受左好多委屈同缺乏關愛，太遙遠的我們無法控制，也可以從身邊開始吧。
達豪集中營 (Dachau Concerntration Camp memorial site)
地址：Alte Römerstraße 75, D – 85221 Dachau
交通：地鐵Dachau站落車，再轉726號巴士在KZ-Gedenkstatte站落車
開放時間：星期一至日 09:00-17:00 (12月24日唔開)
原文來源：少女旅行日記
相關內容更多>
據新聞博客網站Mashable2日報導，在德國柏林的雷迪森酒店，有一個世界上最大的獨立圓柱體水族館，高達82英尺（約25米，大約8層樓高）。在這棟水族館中間，有透明的升降電梯，遊人可以近距離接觸海洋生物，建造這棟別緻的水族館花費了1280萬歐元（約合人民幣8694萬元）。在圓柱水族館主體下方，還有一些別的展館，比如海洋生物中心，包括一條海底隧道，互動岩池等可以和海洋生物近距離接觸的地方。
Black Hole（黑洞）位於德國不來梅哈芬市，一條色彩繽紛閃閃生輝的室內滑水道。Black Hole滑水道中佈滿了多種色彩的LED燈，一開始時，水道漆黑一片，使你仿如置身在黑洞之中，但很快玩者眼前出現一圈圈不同顏色的LED燈，令你置身夢幻。Black Hole前身是一條傳統的滑水道，在２０１２年被改建成今時今日富有特色的滑水道，而且它更是德國北部最獨一無二的遊樂設施之一。
德國之旅由慕尼黑開始，講到慕尼黑，最出名應該都係啤酒。想飲正宗慕尼黑啤酒，一定要去市中心一間啤酒屋，呢間啤酒屋非常巴閉，因為佢係全球最大啤酒屋，可以容納3500多人，而且有超過400年歷史，絕對係慕尼黑必定唔可以錯過的景點！
編輯精選更多>
台灣自由行攻略行程，來到台北市的九份基山街，第一印象絕對是基山街入口旁的7-11。轉入基山街後，你會發現自己的口由你進入街行後就已經不是屬於自己，它本能地＂口不停蹄＂地吃著整條街上林立滿目的美食。有深坑烤臭豆腐、九份傳統魚丸、綜合魚丸湯、紅糟素肉圓、花生卷、油蔥粿、芋仔粿等等。基山街絕對是追求keep fit體態的人，特別是女士門的一大挑戰。
台北自由行攻略行程，來到中正區著名地標-中正紀念堂。中正紀念堂是台北最值得去的景點之一，是為了紀念蔣介石而建成的。門票免費，加上出色的建築風格，定必令你眼界大開。中正紀念堂以中國庭園造景為主要設計思路，藍白的色調代表了自由、平等。除了參觀其各式各樣的建築風格，它另一個著名的表演是每小時的換班儀式，表演項目是參觀中正紀念的重點之一，也是中正紀念堂背後精神的一部份，去到一定要觀看完換班儀式才算是真真正正地參觀完。