TravelLiker四格漫畫007：京都‧嵐山火車

京都自由行之旅，今次Shum, Ku同Bee呢三隻TravelLiker貓又遠赴京都，向大家介紹有嵐山小火車之稱的「嵐山嵯峨野トロッコ列車」，係嵐山超人氣景點之一。「嵐山嵯峨野トロッコ列車」往往係愛遊人到嵐山旅遊嘅時，Mark係行程Check List之一。

列車上同常都人山人海，座無虛席外，而另一個場面更「盛大」嘅地方就係「嵐山嵯峨野トロッコ列車」售票處中心，可以見到人龍往往要排到出售票中心外。

而且晏少少黎嘅買車飛嘅話，坐位無哂飛就不在話下，分分鐘鐘連立席（企位）都冇得你企，所以要買飛就要襯早啦！

「好彩佢地三隻貓貓最後都買到飛趕得切上火車，如果唔係要我地呢班愛遊人等你地上下一班車就唔好啦！」

嵐山小火車之所以成為嵐出著名景點，係因為火車採用開放式設計，加上嵐山美麗的風景，令乘客係乘搭列車嘅同時，同時感受一下被整個嵐山嘅美景所包圍。特別係秋季和冬季其間，整個嵐山都被楓葉或櫻花所鋪滿，所以每逄嘗櫻季和嘗楓季，嵐山都會變得非常熱鬧人山人海。

「Shum, Ku同Bee佢地三個被嵐山楓葉所包圍，真係好令人羨幕吖><！但係點解佢地架車會一個人都冇嘅，唔通俾佢包起咗？咁土豪？唔同佢地係招財貓？」

呢段時間，正直係嵐山楓葉盛開的季節，可以望到整遍嵐山被鋪上一片又一片嘅紅葉。

「作為TravelLiker嘅代表，點可以唔影番張相Post上IG到！嗯！有成2百幾個Like，算你地冇令我地失望！」

到達終點站 -トロッコ龜岡站。

一隻隻狸貓陶偶企係站旁，向遊人打招呼！

「你地三個唔做TravelLiker吉祥物都可以去做嵐山狸貓陶偶，成個餅印咁！」

地址： 日本〒616-8373 京都府京都市右京区嵯峨天龍寺車道町

電話：+81 75-861-7444

前往方式：

1. JR嵐山站徒步一分
2. 嵐電「嵐山駅」下車徒步15分。
3. 京都市巴士28「嵐山天龍寺前」下車徒步12分。

圖片來源：kavana@痞客邦

原文連結：TravelLiker