人人都可以一年去至少一次日本玩！最强懶人儲錢大法！

成日都有平機票引誘你出發，奈何長期糧尾有假都無得飛，其實只要儲錢有道，一年飛幾次日本Shopping喪食無難度！

早前台灣流傳一套儲錢大法，每日儲$10台幣，一年就可儲到$22900台幣。轉個角度細想，其實$10港幣負擔不算太重，我們要向高處望啊，不然目標改為一年北上幾次好了。

不過，知道搵食艱難，儲錢仲難，尤其學生至初出茅廬之人士，所以以下為大家度身訂造適合不同人士的儲錢方法。

1. 學生 

學生賺錢能力有限，不過兼職加零用錢，由星巴克改飲Mc Cafe。頭一個月儲$5開始，第二個月$10，如此類推，第四個月後每日儲$20。一年後儲到$6,400，都為你同書友仔賺到一趟廉遊日本喪買喪食之旅！

2. 初出茅廬人士

剛踏入社會工作，開始有點餘錢，就要好好利用，由每日儲$10開始，打後四個月每月每日加 $10，頂點 $50，一年後就儲到 $15,250，至少為去到2趟日本平衝返工壓力。買少點辦公室零食、午飯不加$3改凍飲，甚至帶飯，每日留$50放入豬仔錢罌一點都不難啊！

3. 搵得多洗得人士 

有種人搵錢搵得越多，洗費越大。何不以買名牌、新手機、新發行遊戲，換幾趟日本之旅？萬事起頭難，由每日$10開始，每月累進 $10至頂點 $100，一年就儲到$22,900！！至少去到3至4次日本，或1次歐洲。

其實只有決心，每日集腋成裘，積極儲錢、搵平機票，一年至少可以去幾次台灣、一次日本或其他地方，是至少啊！所以不要經常大喊「想去旅行但冇錢啊！！」同朋友仔定個目標吧。 

參考資料: cmoney 

文章分享自：UTravel

【Facebook活動：手心上的富士山：TravelLiker送出「超人氣」富士山杯】