台北自由行攻略行程，嚟到台北市士林外雙溪區嘅國立故官博物院, 作為世界第最受歡迎藝術博物館第七位, 來頭當然唔少。佢擁有69.6萬多件文物喺世界上最享負盛名嘅古代中國藝術品珍藏，而且一年佢仲可以接待超過500萬名參觀者。
唔知幾時開始草泥馬呢種動物變得好受歡迎，世界各地都有唔少以草泥馬做賣點的景點，除左農場、動物園之外，連cafe都可以搵到草泥馬的蹤影！！今次就去左台北淡水的OIA伊亞藝術咖啡館，同草泥馬一齊嘆下午茶，睇下佢地有幾打耳先～
淡水應該好多人都去過，不過大部份人都去老街、漁人碼頭個邊的傳統景點，今次去遠少少，捷運淡水站落車再轉巴士，去到三芝北勢溪口站落車，就會見到OIA伊亞藝術咖啡館，門口有條banner話俾你知佢就係草泥馬世界啦！
一入到cafe，一隻白雪雪、毛茸茸的傻仔草泥馬就立即出現！佢個樣真係好傻好天真。Cafe都幾大，分左室內同室外兩個區域，兩邊都有用餐位置。我去個日落大雨，所以全部人都坐室內。而室內就有一隻駐場草泥馬，就係一入門口見到個隻啦。唔好睇佢個樣得得意意，其實草泥馬都幾大隻，感覺類似係巨型版綿羊。呢隻草泥馬非常活潑，一直係cafe裡面走黎走去，仲會好主動走埋去每張枱同客人吹水，唔係，係食你枱面d野。總之佢經常出現在你附近，想親近佢其實唔難，但，草泥馬都係現實的傢伙，你必須要有野俾佢食，先留得住佢個身。（佢個心唔需要啦下話）
草泥馬食咩大？當然唔係你點個d窩夫啦。Cafe提供紅蘿蔔條任客人拎黎餵草泥馬，所以在場幾乎所有人都拎定幾條紅蘿蔔條係手，當傻仔草泥馬行埋你附近，你就可以用紅蘿蔔條引誘下佢，呢個都係同佢影合照的最好時機！！！但唔好睇呢隻草泥馬個樣傻下傻下，佢反應都幾快，通常3秒食完你條紅蘿蔔條佢就會即閃,講聲拜拜你條尾就去下一枱繼續覓食，毫不留情，所以要成功合照真係要餵多幾次先可能影到一張係靚架！現場所見少女們應該好唔滿意d相，不停餵完又餵、影完又影，不停圍住草泥馬轉，隨時候命，一見佢行埋黎就飛身撲埋去。可能傻仔草泥馬心諗：其實你地班人先係真正既傻仔......
頭先講過cafe有室外區，其實室外區先係真正的草泥馬區域，因為呢度好似一個小型農場，有成7、8隻唔同顏色的草泥馬！！原來仲有啡色同黑色架～佢地俾個圍欄圍住，都可以餵飼同影相，不過佢地比較喜歡聯群結黨，幾隻痴埋一齊又唔係好郁甘，目光呆滯，所以唔太好玩......同佢地say左個hi就唔想理佢地了。哈哈。
室外區都有餐枱，仲係全海景，但個日落大雨咩都睇唔到，天氣好的話可以想像景色會好靚。不過室外區太多草泥馬的關係，會有少少味，介意的話坐室內會比較好，但室內又有隻傻仔草泥馬行黎行去同埋港女們瘋狂尖叫同大笑......
最後，終於講下食物啦！（nobody cares！）Cafe有最低消費，每人台幣$150，大概係一杯飲品的價錢，都合理。我試左個焦糖蘋果窩夫，味道唔錯，但個窩夫唔算係好鬆軟個種，質感有待改進。價錢台幣$200，即港幣$50，少少貴。又飲左熱阿里山紅茶，幾香幾好飲，唔記得價錢，都係台幣$150左右。Cafe仲有意粉食，不過其實大家黎到都係掛住同草泥馬玩，食物已經唔重要啦！
草泥馬其實真係幾打耳架，個樣好傻豬豬，但上次大阪玩完，今次台北再玩，興奮感覺已經減退左喇，所以我都未必會再黎，留返俾其他少女們啦～送上草泥馬pat pat一個，祝大家都影到打耳既合照！
OIA伊亞藝術咖啡館
地址：台灣新北市三芝區後厝里北勢子12-1號
交通：捷運淡水站再轉公車到三芝北勢溪口站
營業時間：11:00 - 21:00
文章來源：少女旅行日記
台北自由行攻略行程，嚟到台北市士林外雙溪區嘅國立故官博物院, 作為世界第最受歡迎藝術博物館第七位, 來頭當然唔少。佢擁有69.6萬多件文物喺世界上最享負盛名嘅古代中國藝術品珍藏，而且一年佢仲可以接待超過500萬名參觀者。
台北自由行攻略行程，來到中正區著名地標-中正紀念堂。中正紀念堂是台北最值得去的景點之一，是為了紀念蔣介石而建成的。門票免費，加上出色的建築風格，定必令你眼界大開。中正紀念堂以中國庭園造景為主要設計思路，藍白的色調代表了自由、平等。除了參觀其各式各樣的建築風格，它另一個著名的表演是每小時的換班儀式，表演項目是參觀中正紀念的重點之一，也是中正紀念堂背後精神的一部份，去到一定要觀看完換班儀式才算是真真正正地參觀完。
台北自由行攻略行程，嚟到台北市士林外雙溪區嘅國立故官博物院, 作為世界第最受歡迎藝術博物館第七位, 來頭當然唔少。佢擁有69.6萬多件文物喺世界上最享負盛名嘅古代中國藝術品珍藏，而且一年佢仲可以接待超過500萬名參觀者。
台北自由行攻略行程，來到中正區著名地標-中正紀念堂。中正紀念堂是台北最值得去的景點之一，是為了紀念蔣介石而建成的。門票免費，加上出色的建築風格，定必令你眼界大開。中正紀念堂以中國庭園造景為主要設計思路，藍白的色調代表了自由、平等。除了參觀其各式各樣的建築風格，它另一個著名的表演是每小時的換班儀式，表演項目是參觀中正紀念的重點之一，也是中正紀念堂背後精神的一部份，去到一定要觀看完換班儀式才算是真真正正地參觀完。
新加坡自由行攻略旅程，首選當然是新加坡聖淘沙島炮兵大道8號的新加坡環球影城啦！
韓國自由行攻略行程，呢一站黎到首爾嘅明洞，明洞喺首爾其中一個最著名嘅購物街。街上嘅店鋪以售賣各類護膚品同時裝等，可以話喺女士去到首爾必去嘅地方。明洞人流量非常誇張，可以高逹過百萬人流量一日。