位於仙本那的西巴丹島(Sipadan)是世界十大潛水地，這裡有六百米的海中懸崖，擁有得天獨厚的潛水條件，一年四季都適合潛水，被譽為全世界潛水人的「麥加聖地」、「神的水族館」，世界潛水之父更稱它是「未曾受過侵犯的藝術品」。擁有如此多勵害的名稱，立即看看仙本那這個潛水勝地有多美!
前排同女朋友小豆去大阪旅行，全個行程佢最期待就係可以喺京都著和服影相，同埋去環球影城，佢唔敢玩機動遊戲，只不過係期待影相。
喺出發之前一個月，佢上網聽聞和服如果想揀到心愛嘅粉紅色，就要早早預約定，仲一定唔可以遲到，如果唔係嗰幾件粉紅色和服就會畀其他人搶晒。
「粉紅色無咪揀其他色囉～」我。
「如果因為遲到而無晒粉紅色，我會擰甩你個頭！」女朋友咁樣警告我…
「紅、紅色呢？粉黃都幾襯妳吖～」我去間和服店個網頁睇，其實望落件件都差不多樣。
「完全唔同！一定要呢隻粉紅色！」佢差啲一隻手指戳穿個mon，究竟女生對於顏色執著到咩程度？ 我發現男人大部分買嘢都會買唔同色，一來避免撞色二來見靚就買。但女仔好多都死忠一種顏色，就好似馬沙專用色咁。
為保住個頭，我已經一個月前預約定最早時間，務求和服店一開門就衝入去搶走女友專用粉紅色和服！
終於到咗當日，平時例牌唔知醒嘅佢晨咁早就雙眼發亮，沿途照鏡超過廿次確保瀏海可愛而且無分界。我亦都唔敢有半分鬆懈，望實個Google Map好似羅庚唔敢行錯半步路，當然啦臨出發前我已經檢查晒相機電池、RAM、即影即有相紙、手機電…
我諗如果去到先發現無相紙或者無電，我身上所有頭都會被逐個擰甩，立即擰甩晒亦得，甩咗…
結果，我成功咁準時到達，但入到去已經見到有幾個客人揀緊衫，嗰一刻我簡直緊張到忘記咗呼吸，直至見到排我前面個女仔揀咗件黑色，我當堂開心到想高舉雙臂喺店入面跑圈。而女朋友亦揀到佢嘅專用粉紅色，見到佢笑容燦爛咁行入去換衫，我亦鬆一口氣。
過咗大約三十分鐘，女朋友換完衫行返出黎，佢露出咗一個驚訝嘅表情同我講：「我、我真係好靚…」仲喺我面前轉咗一個圈…
「把握時間出去影相啦！」佢顯得非常雀躍，我亦準備好所有相機，諗住終於可以放下緊張嘅心情出發，但原來惡夢只係啱啱先開始。
行到第一個街口，女朋友就話：「影我著和服行路吖！」
「哦哦…」
影咗大約十幾幅，佢話：「你喺後面跟住我，影我行路然後回頭。我個頭扎得好靚啊～」
「OKOK。」
行到手信街：「你唔好掛住睇嘢啦，你影我睇嘢！」
「哦…」
「著住和服食雪糕真係第一次，影我！」
「呢個景襯晒和服，影啦！」
「嗱我行過去祈福你記住影我啊！」
當日我就好似個龍友咁，貼身追蹤住女朋友，每個姿勢都唔放過，影咗成千幾幅相。平時行一陣就嗌攰嘅佢今日由朝行到最後一刻和服店關門先肯去換返衫。
離開京都返酒店，小豆搖一搖我隻手：「不如下次你都著吖～」
「唔著啦，我幫妳影相嘛，和服綁手綁腳咁好唔方便。」
「但係你著埋和服，會襯托得我再靚啲～」
「……」
我相信佢已經走火入魔，所以千祈唔好畀女朋友著和服影相，因為佢會覺得自己好靚。
而最慘嘅係，你都覺得佢好靚，所以好樂意幫佢不停影相…
（下期預告：女朋友去環球影城…）
作者：藍橘子
位於仙本那的西巴丹島(Sipadan)是世界十大潛水地，這裡有六百米的海中懸崖，擁有得天獨厚的潛水條件，一年四季都適合潛水，被譽為全世界潛水人的「麥加聖地」、「神的水族館」，世界潛水之父更稱它是「未曾受過侵犯的藝術品」。擁有如此多勵害的名稱，立即看看仙本那這個潛水勝地有多美!
芽莊木島，這座位于越南中部海岸綫上的小島，被譽爲越南最受歡迎的潜水勝地之一，擁有着令人驚嘆的海底世界。想象一下，清澈碧藍的海水中，五彩斑斕的珊瑚、優雅游動的熱帶魚群和神秘的海底景觀盡收眼底。
位於仙本那的西巴丹島(Sipadan)是世界十大潛水地，這裡有六百米的海中懸崖，擁有得天獨厚的潛水條件，一年四季都適合潛水，被譽為全世界潛水人的「麥加聖地」、「神的水族館」，世界潛水之父更稱它是「未曾受過侵犯的藝術品」。擁有如此多勵害的名稱，立即看看仙本那這個潛水勝地有多美!
芽莊木島，這座位于越南中部海岸綫上的小島，被譽爲越南最受歡迎的潜水勝地之一，擁有着令人驚嘆的海底世界。想象一下，清澈碧藍的海水中，五彩斑斕的珊瑚、優雅游動的熱帶魚群和神秘的海底景觀盡收眼底。
韓國自由行攻略行程，呢一站黎到首爾嘅明洞，明洞喺首爾其中一個最著名嘅購物街。街上嘅店鋪以售賣各類護膚品同時裝等，可以話喺女士去到首爾必去嘅地方。明洞人流量非常誇張，可以高逹過百萬人流量一日。
新加坡自由行攻略旅程，首選當然是新加坡聖淘沙島炮兵大道8號的新加坡環球影城啦！